Home Sa Lingua Nosta Sa Lingua Nosta - num. 10-2014 Sa Lingua Nosta - num. 10-2014 - Attualità
Sa Lingua Nosta - num. 10-2014 - Attualità PDF Stampa E-mail
Sa Lingua Nosta - Sa Lingua Nosta - num. 10-2014
Martedì 11 Novembre 2014 00:00

Di Daniele Madau

S’inferru e sa dignidadi

In sa terra nosta, in custu tempu, c’est genti apicada asuba de una turri de s’aeroportu, aintru unu putzu, chi non papat, chi si ponit in cadenas.

Seu chistionendi de cussus chi traballant po “Meridiana” e po “Igea”; seu puru pensendi, perou, a totus custus chi apu intendiu certai po su traballu insoru.

Poita in sa terra nosta no si podit prus bivi? Poita si depit stai apitzus e asuta de sa terra, cument’a nai chi sa Sardigna, coment’est diaderus, no est prus terra aundi bivi?

Sa pregunta est tropu manna po arrenspondi innoi: deu sciu sceti chi sa dignidadi mia est sempri unu pagu prus pitica cun dogna elmetto chi batit sa terra sena de un’arresposta, cun d’unu omini chi aparrit sena de papai, cun sa terra nosta chi est un inferru, poita est stetia unu pratu prenu po medas “viles prinzipales”.

Pensendi a Meridiana, su contu bellu de su principi benniu in Gallura po fai “filantropia” est accabara: po curpa de issu, po curpa de atrus – de Scaramelli o de is “ad” chi funt bennius innanti de issu – no ddu sciu; sciu sceti chi passai de 0 a 1600 ominis de mandai a foras, bollit nai chi no as fatu beni is contus in su tempu passau.

Po essi simpri pensai a is fueddus de Peppino Mereu:

“Vile su chi sas giannas hat apertu / a

 

s ‘istranzu pro benner cun sa serra / a fagher de custu logu unu desertu”, scius chi sa cosa est prus manna; depeus, perou, acabai de operri sa porta a custus chi lassant nosu a prangi.

Ita podint fai custus de Meridiana? Depint prangi o depint fai, cumenti narant cussus de su continenti, de sa Lega Nord, “rimboccarsi le maniche” e andai a cicai, o a imbentai, un atru traballu? No ddu sciu: sciu sceti chi puru deu seu precariu, e no est cosa simpri d’ai sa forza po cambiai vita.

Po s’Igea c’est puru sa befa: is traballadoris non podint limpiai sa zona de Furtei, aunti ci fiat sa miniera d’oru: miniera d’oru, un’atru contu, una faula, po piciocus.

Seus arroscius de contus, seus arroscius de sperai.

Pensu a is fueddus de Faustino Onnis (1925-2001)

Cras;

candu sa Sardinia nosta

adèssi torràd’ a nasci ad èssi,

a differènzia de immòi, mamma po tottus,

e che angioins de latti tottus ant’a podi

sui a is tittas de issa

e non ci ant essi fi llastu’ fastimàus,

e non ci ad essi prus chi cròccada

nsu mbragu a stoia ’e spadua

e chi cròccada a lettu n su callènti

de ua domu diciòsa,

e non ci ad’èssi chi papada e istrusciada

candu atrus ant’èssi a mesu brenti

e atrus ancòra morrènd’a fi ningòins

de su fam’e ierru,

eis a torrài ierru,

Cras;

candu no eus a prangi prus, cumènti fadèus oi,

i fradi’ nostu’ pru’ bellus

spedrìus n tottu su mundu

cumènt’e cains arròppaus,

- pedrullàris andend’e logu n logu

po un pitzicòrru ’e pain -

a ingugiài scusròxius po is atrus;

Candu at a benniri custu “cras”? Est beru chi, in calincu logu de s’economia, in sa Sardigna nci funt bonas noas: tudu[1] de spera. Forzis sa generazioni nosta, de cussus di 30-40 annus, depit passai in su desertu de sa precarieadi po portai a pabas su tempu chi at a benniri.

Spereus de arribai- no cumenti Mosè- a sa terra promissa e de no biri prus un inferru ma, cumenti at narau Fabrizio De André, unu paradisu: “La vita in Sardegna è forse la migliore che un uomo possa augurarsi: ventiquattro mila chilometri di foreste, di campagne, di coste immerse in un mare miracoloso, dovrebbero coincidere con quello che io consiglierei al buon Dio di regalarci come Paradiso



[1] Tudai: “coprire di terra”; tudu: “germoglio”

 

 

Aggiungi commento


Joomla templates by a4joomla

Questo sito utilizza cookie, anche di terze parti, per migliorare la tua esperienza e offrire servizi in linea con le tue preferenze. Cliccando sul pulsante “agree” acconsenti all’uso dei cookie. Se vuoi saperne di più o negare il consenso a tutti o ad alcuni cookie consulta la sezione dedicata facendo click su “privacy policy”. To find out more about the cookies we use and how to delete them, see our privacy policy.

I accept cookies from this site.

EU Cookie Directive Module Information