Home Sa Lingua Nosta Sa Lingua Nosta - num. 11-2014 Sa Lingua Nosta - num. 11-2014 - Didattica giovani
Sa Lingua Nosta - num. 11-2014 - Didattica giovani PDF Stampa E-mail
Sa Lingua Nosta - Sa Lingua Nosta - num. 11-2014
MartedĂŹ 25 Novembre 2014 00:00

Su ballu tundu biu de Valery (1789-1847) (parti I)

Est connotu chi in s’otocentu, meda studiosus funt bennius in sa terra nosta, po biri una terra “esotica”. Unu de custus est Antoine Claude Pasquin, tzerriau Valery, chi at biu su ballu a Pirri e, pustis, at scriu de cussu in su libru “Viaggio in Corsica, Elba e Sardegna”. Bieus calincuna parti.

“Pirri, una bidda bella e beni fata, est connota po su binu e poi is bistimentas de is massaias. Seu andau innì po biri baddai su ballu tundu, connotu meda, su ballu nazionali, alluscau  po sa manera de si ligai e, pruschetotu, de pigai sa manu, poita sa femina ponit su brazu asuba de su brazu destru de s’omini, po s’agguantai a issu.

 

Custa forti, custa fogosa manera de pigai is manus, no est po nudda cumenti custas, volubilis, de is baddus nostis; innoi cussu chi provessit de si ponni in mesu po sciolliri sa streta de is manus, iat a fai a su sardu unu afrontu de pagai cun sa morti.
A custas medas figuras, fatas s’unu acanta a s’atru, sensualis, si ‘nci ponit puru unu sonadori de is launeddas, orchestra ambulanti, chi medas bortas est zurpu.
Custu ballu no est sceti poi s piciocus, poita puru a unu pastori beciu podit sutzediri de no papai e de no dromiri po baddai su ballu tundu.
Sa musica tragiadas  , is sonus chi vibrant de sa launedda, faint allutai de prus is sensus e faint cumenti una magia po custus chi baddant.
Apu biu unu segnori seriu meda e coltu a fai casi giampus, cumenti iat cuminciada custa musica chi fait amachiai”.

 

Alluscau: “sensuale, voluttuoso”
Tragiadas: “cadenzata”

 

 

 

 

Aggiungi commento


Joomla templates by a4joomla

Questo sito utilizza cookie, anche di terze parti, per migliorare la tua esperienza e offrire servizi in linea con le tue preferenze. Cliccando sul pulsante “agree” acconsenti all’uso dei cookie. Se vuoi saperne di più o negare il consenso a tutti o ad alcuni cookie consulta la sezione dedicata facendo click su “privacy policy”. To find out more about the cookies we use and how to delete them, see our privacy policy.

I accept cookies from this site.

EU Cookie Directive Module Information