Home Sa Lingua Nosta Sa Lingua Nosta - num. 12-2014 Sa Lingua Nosta - num. 12-2014 - Attualità 1
Sa Lingua Nosta - num. 12-2014 - Attualità 1 PDF Stampa E-mail
Sa Lingua Nosta - Sa Lingua Nosta - num. 12-2014
Martedì 09 Dicembre 2014 00:00

Sa storia de sa Domu Circondariali de Buoncammino

In su mesi de dognassantu, sa Domu Circondariali est stetia serrada, pustis de prus de 140 annus, e imoi is presoneris fuint a Uta

Sa presoni, o mellu, sa Domu Circordariale, de Buoncammino, fuit fabricada intra de su 1887 e su 1897, po s’opera de is ingenneris Bulgarini e Ceccarelli, cumprendendi sa presoni beccia, fabricada de s’ingenneri Imeroni in su 1855 e deretada de Domenico De Sica, s’ajaju de Vittorio Sica.

Innanti de sa Domu Circondariale, is prisoneris fuant serraus in sa Turri de San Pancrazio, de su XVI sec.

Sa presoni teniant is buccas de lupus, chi faiant biri sceti una parti de su celu: custas, a pagu a pagu, in su novecentu, fuint stadas bogara.

Innanti de su 1953, s’insegnamentu est sceti poi is piciocus, po s’opera de unu maistu becciu imprisonau; pustis po s’opera de is capellanus, a s’acabu po s’ “Opera di Redenzione Sociale di Cagliari”.

Sa presoni fuit serrada po is bombardamentus, in su 1943-44.

In su 1978 sa prisoni poi s minoris futi serrada e traslada in sa presoni de Quartucciu.

In s’urtimus annus, is prisoneris podint bivi mellu, mancai non aint logus po fai is fainas sportivas o de giogu.

 

Imoi in sa presoni de Buoncammino no ci funt prus is prisoneris, chi funt, imoi, in sa presoni noa de Uta.

Depeus imoi refleti asuba de una cantas cosas: sa presoni de Uta est noa, ponit prus atenzioni a s’ominis e is feminas, sighendi sa Costituzioni nosta chi narat: (art. 27 ) “Le pene non possono consistere in trattamenti contrari al senso di umanità e devono tendere alla rieducazione del condannato”.

Perou Uta est unu pagu atesu, poi is parentis e poi is presoneris, chi funt casi “banditi”, bandius de sa citadi, e spereus no de sa civiltadi.

Parit chi, cumenti medas bortas sutzedit, is cosa funt fatas in d’una parti sceti.

De prus: cussus chi agiudant is prisoneris? Is volontarius chi benniant de Casteddu? Imoi at a essi prus dificilli.

Depeus, pustis, pensai a ita fai de s’edificiu, chi est mannu, potenti, giai storicu.

No bollu nai nudda, est logu de is architetus.

Pensu, perou, chi depeus castiai ai capitalis de s’Europa

In d’unu logu aici bellu, teneus diaderus sa possibilidadi de fai calincuna cosa chi podeus ai sceti nos: est una cosa chi non est mai sutzedia, chi depeus sfrutai a su mellu; sa storia, calincuna borta, no perdonat, depus intendi chi su momentu est diaderu storicu.

Museu de is prendas sardas, museu de is nuragicus, museu de storia de Casteddu, logu po s’universidadi, logu poi s citadinus, logu poi s piciocus, museu de sa storia de Sardigna, biblioteca, mediateca, logu po “start-up”, open-space. Dogna cosa podit essi, sceti una no podit essi: logu po sa famini de furai dinai, de furai su benidori de una citadi, de is citadinus, de sa regioni nosta.

Teneus mentis brillantis, dogna tiplogia de abilidadi chi podint diaderus bisai unu logu degnu de is bisus nostus.

Castiamus a Bilbao, castiamus a Copenaghen, dinamica, creativa, castiamus a Zurigo, chi bollit essi sa citadi prus birdi de su mondo.

Du podeus fai, ci depues criri, sceti no depeus lassai chi custus chi decidant non aint in su coru su futuru

 

 

Aggiungi commento


Joomla templates by a4joomla

Questo sito utilizza cookie, anche di terze parti, per migliorare la tua esperienza e offrire servizi in linea con le tue preferenze. Cliccando sul pulsante “agree” acconsenti all’uso dei cookie. Se vuoi saperne di più o negare il consenso a tutti o ad alcuni cookie consulta la sezione dedicata facendo click su “privacy policy”. To find out more about the cookies we use and how to delete them, see our privacy policy.

I accept cookies from this site.

EU Cookie Directive Module Information